Bizikidetza ikastetxe baten funtsezko piezetako bat da, harremanetan gauden izakiak baikara. Baina harremanetan bizitzen ikastea prozesu ebolutibo oso bat da. Horregatik, gure konpromisoa da gure ikasleei tresnak ematea bizikidetza orok sortzen dituen erronkei aurre egiteko.
Trebetasun sozialak, erregulazio emozionala eta diziplina positiboa lantzen ditugu.
Badakigu pertsonen ongizate emozionalean oinarritutako eskola-kulturak eragin zuzena duela lan-giroan eta ikaskuntzan.
Topaketaren eta berdinen arteko bizikidetza osasungarriaren kulturan sinesten dugu.
Eskola-indarkeria eta -jazarpena prebenitzeko bizikidetza-programa da. Eskola-integrazioa hobetzea eta eskola inklusibo eta ez-biolentoaren alde lan egitea du helburu, berdinen arteko harremanak egokiagoak izan daitezen eta errespetuzko kultura eta bizikidetza osasungarri eta positiboaren aldeko erantzunkidetasuna sustatuz.
Programa honen helburua ikasleak arduratzea eta gelako taldearen bizikidetzan inplikatzea da. Honetarako, ikasle talde bat ikaskideen ongizate emozionalaren jarraipena egiteaz arduratzen da, entzuketaren eta bitartekaritzaren bidez. Zentroak prestakuntza, egitura, laguntza eta antolaketa ematen dizkio, lan hori egin dezaten.
