DBH eta Batxilergoko ikasleek hainbat saio egin dituzte ikasturtean zehar egin daitezkeen hobekuntzak identifikatzeko
‘Ikasle Laguntzaile’ ikastetxearen bizikidetza hobetzea xede duen programa da; helburu hori Bigarren Hezkuntza eta Batxilergoko ikasleen inplikazio zuzenaren bidez lortzen da, egunero sortzen diren gatazketan esku hartuz. Ikasgelako giroan eta ikastetxe osoan eragin zuzena duen esku-hartze eredua da.
Horretarako, oso garrantzitsua da ondo informatuta egotea, eta horregatik, DBH eta Batxilergoko ikasleek hainbat saio egin dituzte ikasturtean zehar egin daitezkeen hobekuntzak identifikatzeko.
Helburu nagusien artean honako hauek nabarmentzen dira: Eskola-eremuan pertsonen arteko arazoetan lankidetza, ezagutza eta konponbideen bilaketa sustatzea, ikasleen arteko tratu txarren kasuak murriztea, ikasleek gatazken erregulazioan zuzenean parte har dezaten bultzatzea, irakasleen eta ikasleen artean komunikaziorako eta elkar ezagutzeko bideak sortzea, eta hezkuntza-komunitatearen giro afektiboa hobetzeko erantzukizun partekatua eta inplikazioa garatzea.
Horrela, ikastetxeak berdinen arteko harremanak bultzatzen ditu beste behin, ikastetxeko bizikidetza bermatuz eta hobetuz. #MaristakIzaera da.
